Էկոակտիվիստները տապալել են Ֆարել Ուիլյամսի ֆիլմի պրեմիերան

Լոնդոնի կինոփառատոնում Ֆարել Ուիլյամսի կենսագրական մուլտֆիլմի պրեմիերան տապալել են PETA կազմակերպության էկոակտիվիստները: Նրանք պահանջել են երաժիշտից և Louis Vuitton-ի տղամարդկանց բաժնի ներկայիս կրեատիվ տնօրենից դադարեցնել կենդանիներին սպանելը հանուն նորաձևության։ Այս մասին գրում է NME-ն։

Ուիլյամսը պատասխանել է բնապահպաններին. «Աստված օրհնի ձեզ: Բայց փոփոխությունները, որոնք մենք ուզում ենք տեսնել, չեն լինի մեկ գիշերում»:

Ֆարելի «Pece by Piece» ինքնակենսագրական ֆիլմում գլխավոր հերոսներին մարմնավորում են Լեգոյի ֆիգուրները։ Հայտնի է, որ երաժիշտը չի ցանկացել կյանքը ցույց տալ ավանդական վավերագրական ֆիլմում և ազատություն է տվել հանդիսատեսի երևակայությանը։ Ժապավենի ստեղծմանը մասնակցել են նաև Ջեյ Զին, Քենդրիկ Լամարը, Միսի Էլիոթը, Գվեն Ստեֆանին, Ջասթին Թիմբերլեյքը, Բաստա Ռայմսը և Սնուփ Դոգը։