Blackpink-ը շուտով նոր ալբոմ կթողարկի
Written by 105.5FM on 5 May 2025
Մինչ Blackpink-ի անդամները զբաղված են իրենց չորրորդ համաշխարհային շրջագայության նախապատրաստմամբ, Լիսան խորհրդավոր կերպով ակնարկել է կորեական խմբի նոր երգի մոտալուտ թողարկման մասին։
Երգչուհու խոսքով ՝ երկար չեն սպասեցնի․ «Դա շուտով կլինի, խոստանում եմ։ Ժամանակը եկել է»։
Այժմ խումբը պատրաստվում է շրջագայությանը, որը կմեկնարկի հուլիսի 5-ին Հարավային Կորեայից:
«Մի քանի օր առաջ մենք ստուդիայում էինք։ Բոլորը շատ են ոգևորված նորից միասին լինելու և շրջագայության մեկնելու համար։ Մենք շատ ենք կարոտում երկրպագուներին։ «Մենք անհամբեր սպասում ենք նրանց հետ հանդիպելուն», – շաբաթ օրը կիսվել է երգչուհին ՝ ներկայացնելով Bose-ի հետ բաց ականջակալներ ստեղծելու համագործակցությունը:
Շրջագայությունը կավարտվի 2026 թվականի հունվարի 18-ին լեգենդար Տոկիոյի գմբեթում (Ճապոնիա):
