Հակառակ Դրեյքի․ Քենդրիկ Լամարը կանացի ջինսով է դուրս եկել Superbowl շոուին
Written by 105.5FM on 10 February 2025
ԱՄՆ-ի ֆուտբոլի ազգային լիգայի (NFL) վճռորոշ խաղի ընդմիջման ավանդական շոուն գլխավորել է ամերիկացի ռեփեր Քենդրիկ Լամարը: Ինչպես իր Telegram-ալիքում հայտնել Է Vogue ամսագրի նախկին խմբագիր, նորաձեւության փորձագետ Յանա Լուկինան, շոուին Լամարը ներկայացել է Celine ապրանքանիշի կանացի ջինսերով:
Լուկինան բացատրել է, որ ինքը կարող էր դա անել՝ ի հեճուկս ռեփեր Դրեյքի, ում հետ Լամարը դեռ վաղուց լարված հարաբերություններ ունի։
«Հաշվի առնելով, թե ինչպես է մշակված ամբողջ տեսքը, ես ենթադրում եմ, որ կանացի ջինսերն այստեղ նույնպես պատահական չեն: Քենդրիկի և Դրեյքի ճակատամարտում առնականության թեման, ինչպես կանանց հետ մրցակցության թեման, վերջինը չէ»,- գրել է փորձագետը։
Նա նաև նշել է «a» կախազարդով շղթան. փոքրատառ «a»-ն ակնարկում է Քենդրիկ Լամարի կրկնակի իմաստ ունեցող տողը «a minor» – ի՝ անչափահասների մասին, որոնց հետ կապերի մեջ մեղադրում են Դրեյքին։
Լամարի ելույթի ժամանակ բեմում պարել է նաեւ թենիսիստուհի Սերենա Ուիլյամսը։ Դրեյքի նախկին ընկերուհին պար է կատարել, որը սոցցանցերի օգտատերերին հիշեցրել է այն պարի մասին, որը կատարել են Քոմփթոն քաղաքի ավազակախմբերի անդամները թշնամիների ֆիզիկական վերացումից հետո:
2010-ականներին Դրեյքն ու Քենդրիկ Լամարը միասին ելույթ էին ունենում, բայց հետոհարաբերությունները փչացան. նրանք պարբերաբար քննադատական երգեր են գրում միմյանց մասին: Քենդրիկ Լամարի Not Like Us երգը, որը թողարկվել է որպես Դրեյքի հետ ռեփ-դիմակայության շարունակություն, արժանացել է «Գրեմմի» մրցանակի՝ «Տարվա երգ» և «Տարվա ձայնագրություն» անվանակարգերում։
Ընթերցողի կարծիքներ
Շարունակել ընթերցումը
