BTS-ն ամրապնդեց համաշխարհային կարգավիճակը. 16 ալբոմ Billboard 200-ում և ռեկորդ կորեացի արտիստների համար
Written by 105.5FM on 30 July 2025
Billboard Korea-ի պաշտոնական էջը հայտնել է, որ BTS-ը Billboard 200 չարթ է մտել 16 ալբոմով, ինչը նոր ռեկորդ է կորեացի արտիստների համար։
Վերջերս՝ հուլիսի 28-ին, Billboard-ի պաշտոնական կայքը հրապարակել է մի ակնարկ, որի համաձայն՝ հուլիսի 18-ին թողարկված PERMISSION TO DANCE ON STAGE – LIVE համերգային ալբոմը Billboard 200 չարթում դեբյուտել է 10-րդ հորիզոնականում։
Այս թողարկումը BTS-ի ութերորդ ալբոմն էր, որը մտավ լավագույն տասնյակ, և խմբի համար ապահովեց 16-րդ մուտքը Billboard 200 գլխավոր չարթ։ BTS-ը նաև դարձավ Թեյլոր Սվիֆթից և Metallica-ից հետո երրորդ արտիստը, որը Billboard 200-ի լավագույն տասնյակ է մտել առանց նոր ստուդիական երգերի համերգային ալբոմով։
Հիթ-շքերթում հայտնված 16 ալբոմներով նրանք վեց անգամ գլխավորել են Billboard 200-ը, ներառյալ Proof ժողովածուն և Map of the Soul: 7 ստուդիական ալբոմը։ Այս նվաճումները հաստատում են BTS-ի գլոբալ կարգավիճակը՝ որպես 21- րդ դարի փոփ խորհրդանիշներ. խումբն ի վիճակի է նույնիսկ համերգային թողարկումներ բերել առանց նոր երգերի, որոնք ընդգծում են իրենց ARMY երկրպագուների բազայի ուժը և եզակի համաշխարհային գրավչությունը։
