Khalid-ը թողարկել է In Plain Sight սինգլը՝ իր առաջիկա ալբոմից
Written by 105.5FM on 18 August 2025
Ամերիկացի երգիչ Khalid-ը թողարկել է In Plain Sight անունով սինգլը իր նոր՝ After the Sun Goes Down ստուդիական ալբոմից: Նոր երգը հասանելի է երաժշտական հարթակներում: Թողարկումից հետո հայտնվել է նաև երգի տեսահոլովակը։
Տեսահոլովակն այս պահի դրությամբ YouTube-ում հավաքել է մոտ 750 հազար դիտում: Մեկնաբանություններում ունկնդիրները նշել են, որ ուրախ են արտիստի ստեղծագործական նոր փուլի համար, և որ նա բացահայտորեն արտահայտվում է երաժշտության միջոցով: Ոմանք պատրաստ են լսել երգը անընդհատ, քանի որ այն բարձրացնում է տրամադրությունը և օգնում դժվարին ժամանակներում:
Չորրորդ ստուդիական ալբոմի թողարկումը նախատեսված է հոկտեմբերի 10-ին։ Արտիստը դեռևս չի հրապարակել երգացանկը։
