Դուա Լիպան իր շրջագայությունն ավարտեց Սելենա Գոմեսի երգի քավըրով

Դուա Լիպան հուզիչ կերպով ավարտեց իր Radical Optimism համաշխարհային շրջագայությունը Մեխիկոյում՝ կատարելով Սելենա Գոմեսի լեգենդար “Amor Prohibido” երգի քավըրը։ Եզրափակիչ համերգը տեղի է ունեցել GNP Seguros մարզադաշտում և դարձել երգչուհու իննամսյա շրջագայության գագաթնակետը։

Լիպան բացատրել է իր երգի ընտրությունը՝ իսպաներենով դիմելով հանդիսատեսին.

«Ես յուրահատուկ կապ եմ զգում Սելենայի հետ և նրա՝ երկու աշխարհներին պատկանելու զգացողության հետ։ Ես ինձ զգում եմ և՛ ալբանացի, և՛ անգլիացի, ինչպես նա՝ մեքսիկացի և ամերիկացի»։

Շրջագայության ընթացքում երգչուհին կատարել է քավըրներ՝ ոգեշնչված այն երկրներից, որտեղ ելույթ է ունեցել՝ ԱՄՆ-ից մինչև Եվրոպա և Լատինական Ամերիկա։ Յուրաքանչյուր քաղաքում նա ընտրել է տեղական հիթեր՝ երբեմն բեմ հրավիրելով այնպիսի աստղերի, ինչպիսիք են Գվեն Ստեֆանին, Բիլի Ջո Արմսթրոնգը և Լիոնել Ռիչին։ Ավելի վաղ Բոգոտայում Դուա Լիպան կատարել է նաև Շակիրայի “Antología” երգի քավըրը։