Դիտեք Հարրի Սթայլսի նոր` «Late Night Talking» տեսահոլովակը
Written by 105.5FM on 14 July 2022
Բրիտանացի 28-ամյա երգիչ Հարի Սթայլսը ներկայացրել է իր «Late Night Talking» երգի տեսահոլովակի պրեմիերան։ Այս մասին հայտնում է NBC Los Angeles-ը։
Նոր տեսահոլովակը, որը «Harry’s House» ալբոմից է, YouTube-ում թողարկվելու առաջին րոպեին հավաքել է ավելի քան 383,000 դիտում: Մեկ ժամվա ընթացքում «Late Night Talking»-ի դիտումների թիվը գերազանցել է մեկ միլիոնը, իսկ այս պահի դրությամբ այն հասնում է արդեն 5 միլիոնի։
Տեսահոլովակում վայրի զբոսանքը Սթայլսին տանում է ամենուր՝ սկսած Լոնդոնի փողոցներից մինչև երկինք, և այս ամենը կատարվում է հենց իր մահճակալում:
