Դուա Լիպան պատասխանել է գրագողության մեղադրանքներին
Written by 105.5FM on 1 September 2022
Դուա Լիպայի փաստաբանները պահանջում են, որ դաշնային դատավորը մերժի հեղինակային իրավունքի երկու հայցերից մեկը, որի առաջ նա կանգնել է իր «Levitating» հիթային երգի պատճառով։ Փաստաբանները պարզ ասում են, որ փոփ աստղը «երբեք չի լսել» իր իբր կրկնօրինակած երգերը, հայտնում է The Daily Crypto-ն։
Այս տարվա մարտ ամսին, երգահաններ՝ Ռասել Բրաունը և Սենդի Լինցերը, դատի են տվել Դուա Լիպային, պնդելով, որ նա կրկնօրինակել է իրենց 1979 թվականի Wiggle and Giggle All Night և 1980 թվականի Don Diablo երգերը։ Ի պատասխան մեղադրանքների՝ կատարողն ասել է, որ երբեք չի լսել այս ստեղծագործությունները։
Չնայած փոփ աստղի հայտարարությանը, Բրաունը և Լինցերը պնդում են, որ իրենց երգերը լայնորեն տարածված են համացանցում և դրանք կարելի է գտնել հայտնի ծառայություններում: Սակայն, ինչպես վստահեցնում է Դուա Լիպայի կողմը, այդ փաստը դեռ բավարար չէ երգչուհուն հեղինակային իրավունքների խախտման մեջ մեղադրելու համար։
Հայտարարության մեջ փոփ երգչուհու փաստաբանները նշել են, որ ստեղծագործությունների միջև նմանությունները պարզապես «հիմնական երաժշտական տարրերի պատահական օգտագործման արդյունք են», որոնք չեն կարող պաշտպանվել հեղինակային իրավունքի մասին օրենքով:
