Թողարկվել է 2Pac-ի և նրա մոր մասին վավերագրական ֆիլմի թրեյլերը
Written by 105.5FM on 12 May 2022
Համացանցում է հայտնվել ամերիկացի ռեփեր 2Pac-ի (Tupac Amaru Shakur) մասին պատմող վավերագրական ֆիլմաշարի թրեյլերը։ Այս մասին մայիսի 11-ին գրել է The Flow-ը։
Հայտնի է, որ առաջիկա նախագիծը, որը կոչվում է «Dear Mama», կպատմի մոր՝ Աֆենի Շակուրի հետ, երաժիշտի հարաբերությունների մասին։ Հինգ մասից բաղկացած սերիալի կարճ թիզերը, որի ռեժիսորն է Ալեն Հյուզը, ցուցադրվել է շաբաթավերջին, որը համընկնում էր ԱՄՆ-ում Մայրերի օրվա հետ:
Պրեմիերան կայանալու է 2022 թվականի աշնանը։
Հիշեցնենք, որ 2Pac-ը մահացել է 1996 թվականի սեպտեմբերի 13-ին, զինված հարձակման հետևանքով։ Մահվան պահին ռեփերը 25 տարեկան է եղել։
