Լեդի Գագային դատի են տվել
Written by 105.5FM on 27 February 2023
Ջենիֆեր Մաքբրայդը, ով վերադարձրել է իր գողացված շներին Լեդի Գագային, դատի է տվել երգչուհուն՝ իրեն խոստացված 500.000 դոլար պարգևավճարը չվճարելու համար։ Այս մասին հայտնում է BuzzFeed News-ը։
Առևանգումը տեղի է ունեցել 2021 թվականին. երբ երգչուհու օգնականը զբոսանքի էր հանել նրա երկու բուլդոգներին՝ Կոջիին և Գուստավին, Ջեյմս Հովարդ Ջեքսոնը կրակել էր նրա վրա։ Հետո հարձակվողը վերցրել էր շներին և փախել։
Գողացված շներին վերադարձրել էին երկու օր անց այն բանից հետո, երբ Գագան նրանց համար կես միլիոն դոլարի չափով պարգև էր խոստացել։
Ջեքսոնը դատապարտվել է 21 տարվա ազատազրկման սպանության փորձի համար։ Մաքբրայդը ձերբակալվել է սպանության փորձին մասնակցելու համար։ Նրան դատապարտել են 2 տարվա պայմանական ազատազրկման։
Հայցում Մաքբրայդը պնդում է, որ ինքը պարգև չի ստացել շներին վերադարձնելու համար, որ Գագան «խաբել է» իրեն։ Հայցում նշվում է նաև, որ պարգևը չստանալու հետևանքով Մաքբրայդը կրել է նաև «ցավ, հոգեկան տառապանք և կյանքի նկատմամբ ունեցած հաճույքի կորուստ»:
