Լեդի Գագայի շներին առևանգողին դատապարտել են 21 տարվա ազատազրկման
Written by 105.5FM on 6 December 2022
Ամերիկացի երգչուհի և դերասանուհի Լեդի Գագայի շներին առևանգելու և նրա օգնականի դեմ մահափորձի համար բանտարկված տղամարդու դատավճիռը հրապարակվել է։ Այս մասին հայտնում է NBC News-ը։
Դատարանը մեղադրյալ 20-ամյա Ջեյմս Հովարդ Ջեքսոնին դատապարտել է 21 տարվա ազատազրկման։ Հանցագործը հրաժարվել է դատավորի որոշման բողոքարկումից։
2021 թվականի փետրվարին Ջեքսոնը կրակել է երգչուհու շանը զբոսանքի հանած տղամարդու վրա, որից հետո վերցրել է երեք բուլդոգին, որոնցից մեկին հաջողվել է փախչել և նրանց հետ փախել սպիտակ մեքենայով։ Ընդհանուր առմամբ, ոստիկանությունը ձերբակալել է հինգ կասկածյալի, որոնցից երկուսը հանցակից են եղել։
Գողացված ընտանի կենդանիները մի քանի օր անց վերադարձվել էին Գագային․ գտնողին փոփ աստղը խոստացել է 500 հազար դոլար պարգևավճար։ Ենթադրվում է, որ հարձակվողները չեն ճանաչել կենդանիների տիրոջը, սակայն հանցագործությունը կատարել են ֆրանսիական բուլդոգների թանկության պատճառով։ Շան գինը կարող է հասնել մինչև 10 հազար դոլարի։
