Նյու Յորքի համալսարանում կուսումնասիրեն Լանա Դել Ռեյի ստեղծագործության ազդեցությունը

Նյու Յորքի համալսարանը կներկայացնի դասընթաց՝ նվիրված ամերիկացի երգչուհի Լանա Դել Ռեյի աշխատանքի ազդեցությանը 21-րդ դարի երաժշտական ​​արդյունաբերության ձևավորման վրա։ Այս մասին հայտնում է Variety-ն։ Դասընթացը կվարի աշխատության հեղինակ և լրագրող Քեթի Յանդոլին։

Բացի ժամանակակից երաժշտական ինդուստրիայի ձևավորման գործում կատարողի ներդրումից, ձեռնարկում ներառված թեմաներից են՝ արտիստի վերաբերմունքը ֆեմինիզմի նկատմամբ և նրա կապը սոցիալական արդարության շարժումների հետ, ինչպիսիք են՝ Black Lives Matter-ը, Me Too-ն և Times Up-ը: Կբերվեն նաև երաժիշտների օրինակները, որոնց վրա ազդել է երգչուհու ստեղծագործությունը։

«Շատ առումներով ես զգում եմ, որ Լանա Դել Ռեյը և՛ օրինակ է, և՛ նախազգուշացում, բարդ փոփ աստղ, որը մեծ արձագանք է առաջացնում իր երկրպագուների մոտ ոչ թե այն պատճառով, որ ստիպում է նրանց մտածել իր մասին, այլ այն պատճառով, որ նա ստիպում է նրանց մտածել իրենց մասին», – ասել է Յանդոլին։

Հուլիսի վերջին հայտնի էր դարձել, որ մոլի երկրպագուի կողմից հետապնդման ենթարկվելուց հետո երգչուհին ոստիկանություն է դիմել։