Շակիրայի ծննդավայրում կանգնեցվել է նրա բրոնզաձույլ արձանը
Written by 105.5FM on 28 December 2023
Երգչուհի Շակիրայի հայրենի քաղաքում՝ կոլումբիական Բարանկիլյայում, կատարողի պատվին 6,4 մետր բարձրությամբ հսկայական բրոնզե արձան է կանգնեցվել։ Արարողությանը ներկա են եղել նաև նրա ծնողները։
Ինստագրամի իր էջում երգչուհին կիսվել է արձանի դիմաց իր ծնողների լուսանկարներով։ Նա գրել է, որ դա չափազանց շատ է իր փոքր սրտի համար։ Շակիրան նշել է՝ ուրախ է, որ միջոցառումը կայացել է հենց իր մայրիկի ծննդյան օրը։
Շակիրան շնորհակալություն է հայտնել քանդակագործ Ինո Մարկեսին և նրա ուսանողներին՝ բրոնզե արձանը ստեղծելու ժամանակ ցուցաբերած «վիթխարի գեղարվեստական տաղանդի» համար:
