Փոլ ՄաքՔարթնիին վերադարձրել են կես դար առաջ գողացված կիթառը

The Beatles լեգենդար խմբի համահիմնադիր Փոլ Մաքքարթնիին վերադարձրել են ավելի քան կես դար առաջ նրանից գողացված կիթառը, հայտնում է BBC-ն։

Հաղորդվում է, որ Höfner 500/1 կիթառը՝ ջութակի տեսք ունեցող պատյանով, հայտնաբերվել է անգլիական Սասեքս կոմսության տներից մեկի ձեղնահարկում: Գործիքը վերադարձվել է իր տիրոջը:

81-ամյա երաժիշտն ասել է, որ «անհավանական երախտապարտ է» բոլորին, ովքեր ներգրավված են եղել կիթառի որոնումների մեջ:

Մաքքարթնին օգտագործել է կիթառը ավելի քան տասը տարի, այդ թվում՝ ձայնագրությունների և հյուրախաղերի ժամանակ։ Գործիքը գողացել էին ֆուրգոնից՝ 1972 թվականին։