Քիմ Քարդաշյանի 10-ամյա դուստրը հայտարարել է դեբյուտային ալբոմի մասին
Written by 105.5FM on 12 March 2024
Ամերիկացի հիփ-հոփ կատարող Քանյե Ուեսթի և հեռուստաաստղ Քիմ Քարդաշյանի 10-ամյա դուստրը՝ Նորթ Ուեսթը, հայտարարել է իր դեբյուտային ալբոմի մասին։ Հայտնում է HipHopDX-ը։
Երիտասարդ արտիստուհին ձայնասկավառակի թողարկման մասին հայտարարել է միջոցառման ժամանակ, որը նվիրված էր Քանյե Ուեսթի Vultures 2-ի առաջիկա թողարկմանը: Ռեփերի դստեր ալբոմը կկոչվի Elementary School Dropout։ Նշվում է, որ լոնգփլեյի անվանումը ոգեշնչվել է Քանյե Ուեսթի The College Dropout ձայնասկավառակից, որը թողարկվել է 2004 թվականին:
Անցյալ տարվա վերջին Նորթ Ուեսթը իր դեբյուտը կատարեց ռեփեր Miss Miss Westie կեղծանունով։
Թեև Նորթը հայտարարել է իր ալբոմի մասին, սակայն դեռ տեղեկություններ չկան այն մասին, թե երբ է այն թողարկվելու:
