Բրիտանական Oasis ռոք խումբը հայտարարել է վերջին 15 տարվա ընթացքում առաջին շրջագայության մասին
Written by 105.5FM on 27 August 2024
Բրիտանական Oasis ռոք խումբն իր սոցիալական ցանցերում հայտարարել է, որ կազմալուծումից 15 տարի անց շրջագայության է մեկնելու Բրիտանիա և Իռլանդիա:
Oasis-ի մասնակիցները համերգ կունենան Ուեմբլի մարզադաշտում 2025 թվականի ամռանը: Ելույթ է նախատեսվում նաև Մանչեսթերում և մի քանի մասշտաբային համերգներ Հիթոն այգում և Ուեմբլի մարզադաշտում: Նոել և Լիամ Գալագեր եղբայրների համերգների տոմսերը վաճառքի կհանվեն արդեն այս տարվա օգոստոսի 31-ին:
Oasis խումբը հիմնադրվել է Նոել և Լիամ Գալագեր եղբայրների կողմից Մանչեսթերում 1991 թվականին։ Խումբը հասցրել է թողարկել յոթ ստուդիական ալբոմ, նախքան 2009 թվականի բաժանումը՝ եղբայրների հերթական վեճից հետո։
