Երգչուհի Բրիթնի Սփիրսը տուգանվել է 1140 դոլարով
Written by 105.5FM on 11 October 2023
Ոստիկանությունը սեպտեմբերին բերման էր ենթարկել երգչուհի Բրիթնի Սփիրսին առանց վարորդական իրավունքի մեքենա վարելու համար։ Այս մասին հայտնում է Page Six-ը՝ հղում կատարելով դատական փաստաթղթերին։
41-ամյա փոփ աստղին ոստիկանության պարեկային խումբը բերման էր ենթարկել սեպտեմբերի 10-ին։ Ենթադրվում է, որ նա չէր կարողացել իրավապահներին տրամադրել ոչ իր վարորդական իրավունքի վկայականը, և ոչ էլ ապահովագրությունը:
Դրա համար Բրիթնի Սփիրսը տուգանվել է 1140 դոլարով։
Սփիրսի փաստաբան Մեթյու Ռոզենգարտը հրատարակությանը տված հարցազրույցում ասել է, որ երգչուհին միշտ ձեռքի տակ ունի բոլոր անհրաժեշտ փաստաթղթերը։ Նրան մոտ կանգնած մեկ այլ աղբյուր նույնպես հերքել է երգչուհու փաստաթղթերի բացակայությունը։
Բրիթնի Սփիրսը կրկին մեքենա վարելու իրավունք է ստացել այն բանից հետո, երբ 2021 թվականի նոյեմբերին ազատվել է հոր երկարամյա խնամակալությունից։
