BTS-ի և Billie Eilish-ի երգերն օգնում են հաղթահարել անքնությունը
Written by 105.5FM on 23 January 2023
Եթե դանդաղ երաժշտությունը չի օգնում ձեզ ավելի արագ քնել, փորձեք լսել BTS-ի «Dynamite», Billie Eilish-ի և Khalid-ի «Lovely», Լաբրինթի «Jealous», Harry Styles-ի «Falling» և Coldplay-ի «The Scientist» երգերը: Նոր հետազոտության ընթացքում գիտնականները պարզել են, որ այս երգերը կարող են օգնել ձեզ ավելի լավ քնել:
Դանիայից մի խումբ հետազոտողներ պարզել են, որ չկա երաժշտության ունիվերսալ ժանր, որը մարդիկ լսում են քնելու համար։ «Զարմանալի էր տեսնել, թե որքան տարբեր տեսակի երաժշտություն են մարդիկ օգտագործում քնելու համար», – The Post-ին այս մասին ասել է Օրհուսի համալսարանի դոցենտ Կիրա Վայբ Ջեսպերսենը:
«Ոչ միայն տարբեր ժանրեր, այլ նաև ձայնային տարբեր բնութագրեր… դանդաղ, հանգստացնող թրեքերից մինչև ավելի եռանդուն արագ տեմպով փոփ երաժշտություն», – ավելացրել է Ջեսպերսենը:
PLOS One ամսագրում հրապարակված հետազոտության հեղինակները վերլուծել են ավելի քան 200,000 երգ՝ Spotify-ի քնի հետ կապված հազարավոր երգացանկներից և պարզել, որ մարդիկ քնելու համար օգտագործում են ավելի շատ արագ տեմպով երաժշտություն:
