Շերը կբացահայտի իր գաղտնիքները երկհատոր հուշերում
Written by 105.5FM on 25 July 2024
78-ամյա Շերը որոշել է բացահայտել իր բոլոր գաղտնիքները։ Պարզվում է, որ դրանք քիչ չեն և բավականեցնում են երկու հատոր հուշագրության համար։ Առաջինը լույս կտեսնի հենց այս աշնանը։
«Cher: The Memoir, Part One»-ը պատմում է երգչուհու փառքի արտասովոր սկզբի մասին՝ մանկությունից մինչև Սոնի Բոնոյի հետ հանդիպումը և ամուսնությունը: Գիրքը բացահայտում է շատ բարդ հարաբերություններ, որոնք նրանց դարձրել են աշխարհահռչակ, բայց, ի վերջո, հեռացրել միմյանցից»,- նշվում է PEOPLE-ի մամուլի հաղորդագրությունում։
Գրքի առաջին հատորը կպատմի, թե ինչպես Շերին հաջողվեց առանց կապերի, աջակցության, պլանի և վստահության դառնալ գերաստղ։ Արդյունքում երգչուհին այնքան հայտնի դարձավ, որ աշխարհը նրա մասին խոսում է արդեն կես դար։ Հուշերի երկրորդ մասը կթողարկվի 2025 թվականին։
