Գվեն Ստեֆանին վնասվածքի պատճառով չեղարկել է համերգը

Ամերիկացի երգչուհի Գվեն Ստեֆանին երկրպագուներին ասել է, որ վնասվածք է ստացել և պատրաստվում է չեղարկել իր առաջիկա ելույթը։ Այս մասին նա գրել է Instagram-ում։

«Վերջերս ստացած վնասվածքի հետևանքով և բժիշկներիս հետ խորհրդակցելուց հետո ես իմացա, որ օգոստոսի 17-ին չեմ կարողանա ելույթ ունենալ «Hard Rock Live»-ում, Ատլանտիկ Սիթիի Etess Arena-ում»,- բացատրել է 54-ամյա աստղը:

Նա ներողություն է խնդրել երկրպագուներից և պարզաբանել, որ մտադիր է հետաձգել շոուն։

Վերջերս երգչուհին վերամիավորվեց No Doubt խմբի հետ ՝ Coachella երաժշտական փառատոնում նոստալգիկ կատարման համար: Նա նաև պետք է ելույթ ունենար սեպտեմբերին կայանալիք երկու փառատոններում։