Լեդի Գագան Ջոկեր 2-ի նկարահանումների ժամանակ հրաժարվել է իր իսկական անունից
Written by 105.5FM on 21 July 2023
Երգչուհի և դերասանուհի Լեդի Գագան հրաժարվել է իր իսկական անունից՝ «Joker 2»-ի նկարահանումների ժամանակ։ Այս մասին «The Trenches Talk» փոդքաստի համար արված հարցազրույցում ասել է օպերատոր Լոուրենս Շերը։
Լեդի Գագայի հետ աշխատելու իր փորձի մասին հարցին՝ Շերը նշել է, որ ինքը «երբեք չի հանդիպել Լեդի Գագային նկարահանման հրապարակում», քանի որ երգչուհին մշտապես եղել է իր Հարլի Քուինի կերպարում։
«Զգացվում էր, որ նա ցանկանում է առանձնացնել երգչուհու բեմական դերը ֆիլմում իր կերպարից։ Նա չէր արձագանքում Գագա անվանը։ Եվ ինչ-որ պահից նա դադարեց արձագանքել նաև իր իսկական անվանը՝ Ստեֆանիին։ Ավելի ուշ խմբից ինչ-որ մեկն ինձ ասաց, որ դերասանուհին շնորհակալ կլինի, եթե մենք բոլորս նրան Լի անվանենք նկարահանումների ժամանակ։ Ինչը մենք արեցինք: Ի դեպ, նրան շատ դուր եկավ, որ մենք համաձայնեցինք կատարել նրա խնդրանքը»,- կիսվել է Շերը:
«Joker: Two Man Madness»-ը նախատեսվում է ամբողջ աշխարհում թողարկել 2024 թվականի աշնանը: Ֆիլմում Ջոկերի և Հարլի Քուինի դերերը մարմնավորել են Խոակին Ֆենիքսը և Լեդի Գագան։
