Լեդի Գագան զրկվել է կախարդի դերից

Երգչուհի Լեդի Գագան կորցրել է կանաչ մաշկով կախարդի դերը պրեմիերայի պատրաստվող «Wicked» մյուզիքլում, հայտնում է Page Six-ը։

Մշակման փուլում ֆիլմի ռեժիսորը, պատմել է ինսայդերը, պետք է դառնար Սթիվեն Դոլդրին, իսկ Լեդի Գագան պետք է մարմնավորեր չար կախարդ Էլֆաբային։ Ռեժիսորն ու Լեդի Գագան մի քանի անգամ հանդիպել են՝ քննարկելու, թե ինչպիսին կլինի կախարդը երգչուհու խաղով։

Դոլդրին, որը ֆիլմի ռեժիսոր էր հայտարարվել 2016 թվականին, լքել է նախագիծը 2020 թվականին՝ նկարահանման խիտ գրաֆիկի պատճառով։

Ջոն Չուն դարձել է ֆիլմի նոր ռեժիսորը, և Սինտիա Էրիվոյին ընտրել Էլֆաբայի դերում, իսկ Արիանա Գրանդեին՝ բարի կախարդ Գլինդայի։ Մոգին մարմնավորելու է Ջեֆ Գոլդբլումը, իսկ նախագծում հանդես կգան նաև Ջոնաթան Բեյլին և Միշել Յեոն։

Նախօրեին ֆիլմի պրեմիերան կայացել է Մեծ Բրիտանիայում։