Լեդի Գագան նոր ալբոմ է թողարկելու

Ամերիկացի երգչուհի Լեդի Գագան լոնգփլեյ կթողարկի ի աջակցություն «Ջոկեր. խելագարություն երկուսի համար» (2024) ֆիլմի, որում խաղացել է Խոակին Ֆենիքսի հետ։ Ալբոմը, որը կոչվում է Harlequin, կթողարկվի այս ուրբաթ՝ սեպտեմբերի 27-ին:

Հոկտեմբերի 4-ից արտասահմանյան կինոթատրոններում կհայտնվի Լեդի Գագայի մասնակցությամբ «Ջոկեր. խելագարություն երկուսի համար» ֆիլմը։ Ավելի վաղ երգչուհին պատմել էր, որ Հարլի Քուինին մարմնավորելիս հենվել է սեփական փորձի, այլ ոչ թե փոփ մշակույթի կողմից ստեղծված հերոսուհու կերպարի վրա, գրում է Vogue-ն:

Harlequin լոնգփլեյում կներառվեն ջազային դասականների քավրներ, ինչպիսիք են Ջուդի Գարլանդի՝ Get Happy (1959), Ֆրենկ Սինատրայի՝ That’s Life (1966) և այլ կատարումներ, ինչպես նաև օրիգինալ ստեղծագործություններ:

Ավելի վաղ Լեդի Գագան ֆուրոր էր առաջացրել Վենետիկի կինոփառատոնում կայացած «Ջոկեր. խելագարություն երկուսի համար» ֆիլմի պրեմիերայի ժամանակ։