Machine Gun Kelly-ն հարվածել է երկրպագուի դեմքին
Written by 105.5FM on 6 July 2023
Ամերիկացի ռեփ-արտիստ Քուլսոն Բեյքերը, ով առավել հայտնի է որպես Machine Gun Kelly, համերգի ժամանակ ապտակել է երկրպագուի դեմքին։ Այս մասին հայտնում է NME-ն։
Հրապարակված տեսանյութում երևում է, թե ինչպես է արտիստը Բելգիայում ելույթի ժամանակ սկսում ուսումնասիրել երկրպագուներից մեկի պաստառը, որի վրա գրված է. «Ես հենց նոր եմ ժամանել Մեքսիկայից, հարվածիր դեմքիս»։ Ռեփերը տղամարդուն հարցրել է, թե ինչու է նա այդքան շատ ցանկանում, որ հարվածեն իրեն։
«Ընկեր, ես մատանիներ ունեմ, դա կվնասի քեզ։ Ես ինձ վատ կզգամ դու առաջին շարքում երգում ես բոլոր բառերը: Ես կմտածեմ», – նշել է Machine Gun Kelly-ն, որից հետո թեթևակի ապտակել է երկրպագուի դեմքին։ Վերադառնալով բեմ՝ երաժիշտը նշել է, որ սիրում է երկրպագուին։
Ավելի ուշ կատարողը սոցցանցում հրապարակել է դեպքի տեսագրությունը՝ զվարճալի կերպով ավելացնելով «իրականացրու երազանքները» մակագրությունը։
