Metallica-ն թողարկում է յոթ տարվա ընթացքում առաջին ալբոմը
Written by 105.5FM on 29 November 2022
Metallica ռոք խումբը հայտարարել է նոր՝ 72 Seasons ալբոմի թողարկման մասին։ Հայտնում է Variety-ն։
72 Seasons-ը կլինի յոթ տարվա ընթացքում խմբի առաջին ալբոմը։ Այն նախատեսվում է թողարկել 2023 թվականի ապրիլի 14-ին։ Metallica-ի երգերի նախորդ հավաքածուն՝ Hardwired…To Self-Destruct, թողարկվել է 2016 թվականին։
Ընդհանուր առմամբ հավաքածուն կներառի 12 թրեք, որոնց ընդհանուր տևողությունը կկազմի 77 րոպե։
Երաժիշտները հայտարարել են նաև M72 համաշխարհային շրջագայության մասին, որը տեղի կունենա 2023-2024 թվականներին։ Խումբը համերգներով հանդես կգա Ամստերդամում, Փարիզում, Հելսինկիում, Կոպենհագենում, Համբուրգում, Վարշավայում, Մյունխենում և այլ քաղաքներում։
