Սկորսեզեն՝ The Beatles մասին ֆիլմի պրոդյուսեր
Written by 105.5FM on 15 October 2024
Մարտին Սկորսեզեն հանդես է եկել որպես The Beatles խմբի Ամերիկա կատարած այցի մասին վավերագրական ֆիլմի պրոդյուսեր։ Ռեժիսորական աթոռը զբաղեցրել է Դևիդ Թեդեսկին։ Ֆիլմի պրեմիերան կկայանա Disney + սթրիմինգային ծառայությունում` նոյեմբերի 29-ին։ Այս մասին գրում Է Variety-ն։
Ֆիլմը կներառի նախկինում չհրապարակված կադրեր երաժիշտների՝ 1964 թվականի փետրվարին Նյու Յորք ժամանելու մասին։ Կցուցադրվեն նաև հատվածներ էդ Սալիվանի շոուում խմբի ելույթից, որը դիտել է ավելի քան 73 միլիոն հեռուստադիտող:
Վավերագրական ֆիլմը կներառի նաև հարցազրույցներ խմբի նախկին անդամներ Փոլ ՄաքՔարթնիի և Ռինգո Սթարի հետ։ Մշակմանը մասնակցել են նաև Ջոն Լենոնի և Յոկո Օնոյի որդին՝ Շոն Օնո Լենոնը և Ջորջ Հարիսոնի այրին՝ Օլիվիա Հարիսոնը։
