The Killers-ն ընդհատել է համերգը՝ Անգլիայի հաղթանակը Եվրո 2024-ի կիսաեզրափակչում նշելու համար
Written by 105.5FM on 11 July 2024
The Killers խումբն ընդհատել է իր Լոնդոնյան համերգը, որպեսզի իր հանդիսատեսի հետ միասին դիտի և տոնի Անգլիայի ֆուտբոլի հավաքականի հաղթանակը Եվրոպայի 2024 թվականի առաջնության կիսաեզրափակչում: Այս մասին հայտնում է Rolling Stone պարբերականը։
The Killers-ը կանգնեցրել է համերգը՝ ցույց տալու համար Նիդերլանդների հետ Անգլիայի խաղի ավարտը: Խաղը հեռարձակվել է բեմում՝ պրոյեկտորի միջոցով։ Ներկաները հաղթանակը տոնել են բուռն ծափահարություններով։ Խաղի ավարտից հետո երաժիշտները կատարել են «Mr. Brightside» հիթը։
Մեծ Բրիտանիայի թագավոր Չարլզ III-ը շնորհավորել է ազգային թիմին և հաջողություն մաղթել եզրափակիչ խաղում։
