Մրայա Քերին ներկայացրել է նոր սինգլ, որը կոչվում է Type Dangerous
Written by 105.5FM on 9 June 2025
Մրայա Քերին թողարկել է նոր սինգլ, որը կոչվում է Type Dangerous: Նորույթը կընդգրկվի առաջիկա տասնվեցերորդ ալբոմում, իսկ մինչ այդ երգի հետ միասին թողարկվել է նաև տեսահոլովակ, որը YouTube-ում այս պահի դրությամբ հավաքել է մոտ 700 հազար դիտում և 7 658 մեկնաբանություն:
Մեկնաբանություններում օգտատերերն իրենց հիացմունքն են արտահայտել ստեղծագործության հետ կապված և նշել, որ երգչուհին չի փոխում իր ոճը: Ինչ-որ մեկը Քերիին համեմատել է լավ գինու հետ. կատարողը տարիքի հետ միայն ավելի լավն է դառնում:
Երգացանկը դեռևս անհայտ է, ինչպես նաև ալբոմի թողարկման ամսաթիվը, բայց, ամենայն հավանականությամբ, թողարկումը չի ուշանա:
Քերիի վերջին ալբոմը ՝ Caution-ը, թողարկվել է 2018 թվականին և արժանացել քննադատների բարձր գնահատականներին։ Աշխատանքը ներառում էր կոմպոզիցիաներ ժամանակակից ռիթմ-ն-բլյուզ, հիփ-հոփ սոուլ և փոփ երաժշտության ժանրերում։
