«John Wick»-ի ռեժիսոր Չադ Սթահելսկին մտնում է երաժշտության աշխարհ՝ Evanescence-ի նոր տեսահոլովակով
Written by 105.5FM on 8 July 2025
Չադ Սթահելսկին նկարահանել է Evanescence խմբի Fight Like a Girl երգի տեսահոլովակը։ «Fight Like a Girl» սինգլի թողարկումից ի վեր երկրպագուները հույս էին փայփայում, որ Evanescence-ը կթողարկի տեսահոլովակ։ Այդ սպասումները հիմնականում արդարացան վոկալիստ Էմի Լիի շնորհիվ, որը համոզեց հայտնի ռեժիսոր Չադ Սթահելսկիին անձամբ նկարահանել այն։ Ռեժիսորի խոսքով՝ նա ցանկանում էր իր կարիերայում փորձել մի բան, ինչը նախկինում չէր արել։ Սթահելսկին ձգտում էր ստեղծել մի տեսահոլովակ, որն իր էությամբ կհիշեցներ «հին դպրոցը»՝ MTV-ն, վառ տեսարաններով, վիզուալ էֆեկտներով և ռոք երաժշտության կուլտուրայով։ Երբ հնարավորություն ընձեռվեց օգտագործել կրակ և անձրև տեսահոլովակում, նա մեծ ոգևորությամբ սկսեց աշխատել։
Տեսահոլովակի վիզուալ լուծումները հատկապես բարձր են գնահատվել երկրպագուների կողմից։ Շատերը նշում են, որ այն նման է ֆիլմի մի հատվածի։ Կադրերի շարժը, մուգ երանգները, լույսի ու ստվերի խաղը, Էմի Լիի արտահայտիչ կերպարը ստեղծում են մի մթնոլորտ, որը լի է ուժով, պայքարով և ինքնության պնդմամբ։ Որոշ օգտատերեր, սակայն, քննադատել են տեսահոլովակը՝ պնդելով, որ այն չունի հստակ սյուժե։ Այնուամենայնիվ, տեսողական լուծումների մակարդակը գերազանցել է սպասելիքները՝ վերադառնալով 2000-ականների ռոք տեսահոլովակների ոճին։
Երգը ձայնագրվել է Քեյ Ֆլեյի հետ միասին՝ «Ballerina» մարտաֆիլմի համար, որը հանդիսանում է «John Wick»-ի կինեմատոգրաֆիկ տիեզերքի մաս։ Ֆիլմում այն հնչում է տիտրերի ժամանակ՝ հավելելով դրամատիկ ավարտ։ Նշենք նաև, որ Էմի Լին նախկինում համագործակցել է Հոլսիի հետ՝ թողարկելով «Hand That Feeds» երգը, որն ընդգծում է նրա բաց լինելը նորարարական ու համարձակ երաժշտական նախագծերի նկատմամբ։
