K-pop-ը նվաճում է համաշխարհային թոփ-չարթերը՝ 4 երգեր Rolling Stone-ում
Written by 105.5FM on 9 October 2025
Հեղինակավոր Rolling Stone հրատարակությունը հրապարակել է 21-րդ դարի առաջին քառորդի 250 լավագույն երգերի ցանկը։ Ներկայացվել է նաև կորեական մշակույթը՝ չորս K-pop երգերով։
BTS -ի «Spring Day»-ը զբաղեցրել է առաջին հորիզոնականը կորեացի արտիստների շրջանում՝ զբաղեցնելով 37-րդ հորիզոնականը։ Երգը բնութագրվել է որպես «բացարձակ խոցելիության պահ, որը դարձել է դարի խոշորագույն փոփ արտիստների խորհրդանշական երգը»։ Նշվում է, որ «նրա տոկունության և հույսի զգացումը, որը ծնվում է կորստից, ունի վեհ երանգ ՝ նախանշելով խմբի գլոբալ վերելքը»:
BLACKPINK-ը զբաղեցրել է 142-րդ հորիզոնականը «DDU-DU DDU-DU» հիթային սինգլով։ Մաուրա Ջոնսթոնը շեշտել է, որ «K-pop-ի բումը ԱՄՆ-ում 2010-ականներին է եղել, և քիչ երգեր կարող են համեմատվել այս երգի ինտենսիվության հետ»։
Լեգենդար Girls’ Generation-ը հայտնվել է 170-րդ հորիզոնականում՝ «Gee» երգով, որը Քիմ Ջե Հան անվանել է «հիասքանչ քաոսային փոփ սինգլ»։
Ցուցակում ամենաերիտասարդ K-pop խումբը New Jeans-ն է՝ «Hype Boy»-ով, որը զբաղեցրել է 206-րդ հորիզոնականը։ «Երգն այնքան կախվածություն առաջացնող է, որ թվում էր, թե ամբողջ հարավկորեական բանակը պարում է դրա տակ TikTok-ում»։ Հատկապես գովաբանվել է 17-ամյա Հաննիի ներդրումը տեքստի մեջ՝ որը երգին ավելացրել է «այդ տարիքին բնորոշ երանգներ»։
