Լանա Դել Ռեյը թողարկել է նոր սինգլ առաջիկա ալբոմից

Ինչպես խոստացել էր մեկ շաբաթ առաջ, Լանա Դել Ռեյը թողարկեց իր առաջիկա ալբոմից «White Feather Hawk Tail Deer Hunter» սինգլը։ Երգը նվիրված է երգչուհու ամուսնությանը և համահեղինակվել է նրա ամուսնու, ընտանիքի անդամների և պրոդյուսերների հետ։

«White Feather Hawk Tail Deer Hunter»-ը մի փոքր տարօրինակ կերպով պատմում է զուգընկերոջ հանդեպ սիրո և նվիրվածության մասին: Դել Ռեյը երգը բնութագրել է որպես «ամենասիրվածը ողջ առաջիկա ալբոմում»։

Stove-ը կլինի երգչուհու տասներորդ ալբոմը։ Սկզբում ալբոմի թողարկումը նախատեսված էր 2026 թվականի հունվարին, բայց հետագայում հետաձգվեց Դել Ռեյի ցանկության պատճառով՝ «սկավառակին ավելացնել վեց ինքնակենսագրական երգ»։