Դուա Լիպան կդառնա Լոնդոնի գրական փառատոնի կուրատորը

Դուա Լիպան կլինի Լոնդոնի գրականության փառատոնի կուրատորը, ըստ The Guardian-ի։ Երգչուհին պատասխանատու կլինի ծրագրի համար, ներառյալ բացման շաբաթավերջի միջոցառումները, և կաշխատի իր գրքային ակումբի՝ Service95-ի հետ։ Փառատոնը տեղի կունենա այս աշնանը՝ Մեծ Բրիտանիայում ընթերցանության ազգային տարվա շրջանակներում։ Փառատոնի ամբողջական ծրագիրը, ինչպես սպասվում է, կհայտարարվի այս ամռանը։

Տարիների ընթացքում Լոնդոնի գրականության փառատոնը կուրատորել են Գրետա Թունբերգը, Մալալա Յուսուֆզայը, Մարգարետ Աթվուդը, Ֆիլիպ Պուլմանը, Թոմ Հենքսը և Յուլիա Նավալնայան։

Դուա Լիպան Service95-ը հիմնադրել է 2023 թվականին և այդ ժամանակվանից ի վեր ակտիվորեն մասնակցել է ակումբի գործունեությանը՝ ընտրելով ամսական գրքեր, ձայնագրելով հեղինակների հետ հարցազրույցներ և ամեն կերպ աջակցելով գրողներին։ Նրա փոդքասթի հյուրերի թվում են եղել Մարգարետ Աթվուդը, Ջորջ Սոնդերսը և Օլգա Տոկարչուկը։