Էլլի Գոլդինգը հայտարարել է նոր ալբոմի մասին և թողարկեl «Black Prada Dress» լիդ-սինգլը
Written by 105.5FM on 9 June 2026
Բրիտանացի երգչուհի-երգահան Էլլի Գոլդինգը (իսկական անունը՝ Ելենա Գոլդինգ) պատրաստվում է նոր գլուխ սկսել իր կարիերայում՝ թողարկելով իր վեցերորդ ստուդիական ալբոմը: Նրա նախորդ լիամետրաժ՝ «High Than Heaven» ալբոմը թողարկվել է 2023 թվականին։
NME-ի տվյալներով՝ 39-ամյա արտիստի նոր ալբոմը կոչվում է «I Know Too Much»: Վերջնական երգացանկը ներառում է տասը նոր կոմպոզիցիա, այդ թվում՝ «Black Prada Dress» գլխավոր սինգլը, որը թողարկվել է հունիսի 5-ին: Գոլդինգը պարզաբանել է, որ այս երգը «կոտրված եսի գիտակցված դիմանկար է, որը ստեղծվել է գոյատևման համար» կյանքի դժվարին պայմաններում: Երգի պրոդյուսերը Ջեք Ռոչոնն է, որին Գուլդինգը հայտնաբերել է սոցիալական ցանցերի միջոցով և սկսել է համագործակցել նրա հետ՝ դեռևս նախքան երաժշտության մեջ լիովին հաստատվելը։
Երգչուհին նաև ընդգծել է, որ առաջիկա ալբոմը կարելի է դատել գլխավոր սինգլով, քանի որ այն սահմանում է ամբողջ ստեղծագործության տոնը: «Ալբոմը ծնվել է այն մտքից, որ մենք կարող ենք չափազանց շատ բան իմանալ: Չիմանալը որոշակի ազատություն է բերում», – բացատրել է Գոլդինգը: Ավելին, արտիստը բացահայտել է, որ «I Know Too Much»-ի բոլոր երգերը գրվել են իր կյանքի շրջադարձային պահին, երբ ինքը «կանգնած էր գիտելիքի իրական ուժը հասկանալու շեմին»։
«I Know Too Much» նոր ալբոմը հասանելի կլինի հոսքային լսումների համար սեպտեմբերի 4-ից։
