Քեթի Փերին վրդովված է Իրանին հարվածներ հասցնելու տեսանյութում իր երգի օգտագործումից
Written by 105.5FM on 27 July 2026
Ամերիկացի երգչուհի Քեթի Փերին իր վրդովմունքն է հայտնել Սպիտակ տան կողմից իր «Firework» երգի օգտագործման վերաբերյալ, որը պատկերում է ռազմական հարվածներ, ենթադրաբար՝ իրանական թիրախների դեմ։ Նա իր վրդովմունքն արտահայտել է X սոցիալական ցանցի էջում։
Խնդիրը ներկայացնող տեսանյութում կա Փերիի երգը և «Իրանին զգուշացվել է» մակագրությունը։ Փերին նշել է, որ ցնցված և վրդովված է, որ երգը հայտնվել է Սպիտակ տան էջում։
«Ես չեմ հաստատել, ոչ ոք ինձ չի խնդրել, և ես ոչ մի կերպ չեմ արդարացնում դա», – նշել է երգչուհին։ Նա ընդգծել է, որ իր երաժշտությունը նախատեսված է «մարդկանց միավորելու, այլ ոչ թե պատերազմը փառաբանելու համար»։
