Բիլլի Այլիշը և Ֆիննես Օ’Քոնելը սկսել են աշխատել նոր ալբոմի վրա

Ամերիկացի փոփ երգչուհի Բիլլի Այլիշը, իր ավագ եղբայր և երգահան Ֆիննես Օ’Քոնելի հետ միասին, այս աշնանը սկսել է մշակել նոր ալբոմի կոնցեպտը: Երգչուհին սա բացահայտել է Vogue ամսագրին տված հարցազրույցում՝ 24-ամյա Բիլլիի և 29-ամյա Ֆիննեսի կողմից նախագծված դեբյուտային զարդերի հավաքածուի թողարկման կապակցությամբ:

«When the Party’s Over» և «BIRDS OF A FEATHER» հիթերի երգչուհու խոսքով՝ նա նոր երգեր է գրում համերգների միջև ընկած ազատ ժամանակ: Բիլլի Այլիշը նաև պարզաբանել է, որ գործընթացը բավականին ակտիվորեն է ընթանում, ինչը նշանակում է, որ շուտով նա կարող է սկսել երկար սպասված նյութերով կիսվել երկրպագուների հետ: «Այժմ մենք ամբողջությամբ կենտրոնացած ենք ալբոմի ստեղծման աշխատանքի վրա», – բացատրել է փոփ աստղը: «Մենք շատ ենք գրում և պարզապես ժամանակ ենք անցկացնում միմյանց և մեր շների հետ»:

Հոկտեմբերի 21-ին Բիլլի Այլիշը և Ֆինեաս Օ’Քոնելը ներկայացրեցին ստեղծագործական նախագիծ իրենց համար բոլորովին նոր ոլորտում՝ ոսկերչությունում: Քրոջ և եղբոր շարքում տեղ են գտել ականջօղեր, վզնոցներ, ապարանջաններ, ինչպես նաև մատանիներ։ Բոլոր ստեղծագործությունները պատրաստված են վերամշակված նյութերից և լաբորատորիայում ստեղծված ադամանդներից և թողարկվել են John Hardy ապրանքանիշի հետ համագործակցությամբ։