Հրապարակվել է Էլվիս Փրեսլիի ֆիլմի թրեյլերը
Written by 105.5FM on 18 February 2022
«Warner Bros» ընկերությունը հրապարակել է ռոքնռոլի արքա Էլվիս Փրեսլիի մասին պատմող ֆիլմի առաջին թրեյլերը, որը ստացել է «Էլվիս» լակոնիկ անվանումը։ Լեգենդար երգչի և դերասանի դերը մարմնավորում է Օսթին Բաթլերը։
Մինչ այդ Բաթլերին Փրեսլիի կերպարում կարելի էր տեսնել թիզերում՝ միայն թիկունքից, իսկ այժմ նա հանդիսատեսի առաջ է հայտնվել իր ողջ փառքով։ Թրեյլերը մասամբ ցույց է տալիս երաժշտի առաջին մեծ ելույթը բեմում և դրան հաջորդած դիտարժան շոուները: Նաև գովազդային տեսահոլովակում հատուկ ուշադրություն է դարձվում նկարիչ Թոմ Փարքերի մենեջերին, որի դերը կատարում է Թոմ Հենքսը։
Թրեյլերը պարունակում է հատվածներ Փրեսլիի մանկության նկարներով։ Նրանք ցույց են տալիս, որ ապագա լեգենդը եղել է DC կոմիքսների երկրպագու։ Հանդիսատեսին կցուցադրվի նաեւ, թե կենդանության օրոք ինչ դժվարություններ է հաղթահարել երաժիշտն իրական լեգենդ դառնալու համար։ Կենսագրական ֆիլմում կբացահայտվեն Էլվիսի և նրա միակ կնոջ՝ Պրիսցիլայի հարաբերությունների առանձնահատկությունները, որին մարմնավորում է Օլիվիա ԴեՋոնգը:
Էլվիսի ռեժիսորն է Բազ Լուրմանը, ով առավել հայտնի է «Մեծն Գեթսբին» և «Մուլեն Ռուժ» ստեղծագործություններից: Նա նաև հանդես է եկել որպես սցենարիստ։ Կենսագրական ֆիլմի պրեմիերան նախատեսված է հուլիսի 14-ին:
