Էդ Շիրանի երգը ճանաչվել է վարորդների համար ամենավտանգավորը

Էդ Շիրանի «Shape of You» հիթը գլխավորել է մեքենա վարելու համար ամենավտանգավոր երգերի ցանկը։

Հետազոտողները վերլուծել են մեքենա վարելու ժամանակի հայտնի երգացանկերը, ընտրել են ամենահաճախ լսվող 50 երգերը և համեմատել դրանց տեմպը։ Հեղինակները պարզել են, որ րոպեում 120 հարվածից (BPM) արագ երաժշտությունը կարող է կապված լինել վարելու ավելի բարձր արագության, կենտրոնացման նվազման և վարորդական սխալների ավելի շատ դեպքերի հետ։

«Shape of You»-ն ունի 192 BPM հարված։ Oasis-ի «Wonderwall»-ը երկրորդ ամենավտանգավորն էր՝ 173 BPM-ով։ The Kid LAROI-ն և Ջասթին Բիբերի «STAY»-ը լրացրել են լավագույն եռյակը՝ 169 BPM-ով։

Լավագույն տասնյակում ներառված են նաև «Rebel Yell», «One Way or Another», «Happy», «Hey Ya!», «Don’t Stop Me Now», «Mr. Brightside» և «Locked Out of Heaven»։