Blackpink-ի անդամն իր դերասանական դեբյուտը կունենա «Սպիտակ լոտոս» սերիալի նոր եթերաշրջանում
Written by 105.5FM on 14 February 2024
Հարավկորեական BLACKPINK խմբի անդամ Լալիսա Մանոբանը, որն ավելի հայտնի է որպես Լիզա, կմասնակցի HBO-ի «Սպիտակ լոտոս» հիթային սերիալի երրորդ եթերաշրջանին։ Այս մասին գրում է Variety-ն։
Նշենք, որ սա Լիզայի դեբյուտը կլինի որպես դերասանուհի։ Թե ինչ դեր է խաղալու BLACKPINK խմբի երգչուհին, առայժմ հայտնի չէ։ «Սպիտակ լոտոսի» նոր եթերաշրջանի նկարահանումները կսկսվեն փետրվարին։ Հայտնի է, որ իրադարձությունները տեղի են ունենալու Թաիլանդի հյուրանոցներից մեկի տարածքում։
Լիզան կլինի BLACKPINK-ի երկրորդ անդամը, ով կնկարահանվի HBO-ի սերիալում: Նախկինում Ջենին իր դեբյուտը ունեցել է «Կուռք» դրամայում, որը թողարկվել է 2023 թվականին։
