Linkin Park-ը 7 տարվա մեջ առաջին անգամ ծրագրում է նոր վոկալիստի հետ շրջագայության մեկնել
Written by 105.5FM on 3 May 2024
Linkin Park-ի երեք անդամները քննարկում են 2025 թվականին ամբողջական շրջագայության անցկացումը։ Billboard-ը հայտնում է խմբի հնարավոր վերամիավորման մասին՝ հղում անելով աղբյուրներին։
Սպասվում է, որ խմբի երկրպագուները կրկին կկարողանան բեմում տեսնել Մայք Շինոդային, Բրեդ Դելսոնին և Դեյվ Ֆարելին։ Նրանց ելույթների առաջարկները քննարկվում են WME համերգային գործակալության կողմից։
Մինչ այժմ չի հաղորդվում այն երաժշտի անունը, ով կփոխարինի հանգուցյալ Չեսթեր Բենինգթոնին։ Billboard-ի ինսայդերը նշում է, որ իրեն փոխարինողի դերում կնոջ են դիտարկում։
Նշվում է, որ Linkin Park-ի անդամների վոկալիստ փնտրելու մասին լուրերը հայտնվեցին համացանցում դեռ մարտին։
Հիշեցնենք, որ ռոք խումբը, որը հայտնի է «In The End», «Numb», «Faint» և այլ հիթերով, 2017 թվականից ելույթ չի ունեցել ֆրոնտմեն Չեսթեր Բենինգթոնի ողբերգական մահից հետո։
