Մայլի Սայրուսը թողարկել է «Prelude» և «Something Beautiful» տեսահոլովակները՝ նոր ալբոմից
Written by 105.5FM on 1 April 2025
Մայլի Սայրուսը թողարկել է իր նոր՝ «Something Beautiful» ալբոմի առաջին երկու երգերը տեսահոլովակներով։ Ալբոմի թողարկումը նախատեսված է մայիսի 30-ին։
Սայրուսը տեսահոլովակներ է նկարահանել «Prelude» և «Something Beautiful» երգերի հիման վրա։ Առաջին ձայնագրությունում խոսքերը հիմնականում հնչում են էլեկտրոնային երաժշտության ներքո։ Այստեղ երգչուհին անդրադառնում է գեղեցկության երկակիությանը: «Prelude»-ից 4 ժամ անց թողարկվել է ալբոմի գլխավոր թրեքը՝ պսիխոդելիկ կրկներգով, որի տեսահոլովակը նկարահանել են Ջեյքոբ Բիքսենմանը և Բրենդան Ուոլթերը։
«Something Beautiful»-ը Սայրուսի իններորդ ալբոմն է, որը կներառի 13 թրեք: Երգչուհին պատմել է, որ թրեքերը ստեղծելիս ոգեշնչվել է բրիտանական Pink Floyd ռոք խմբի աշխատանքով։ «Իմ գաղափարն էր ձայնագրել The Wall-ը (Pink Floyd-ի խորհրդանշական ալբոմը), բայց ավելի լավ զգեստապահարանով, ավելի գլամուր և փոփ մշակույթով հագեցած», – կիսվել է նա:
Սայրուսը վերջին մի քանի ամիսների ընթացքում աշխատել է ստուդիայում։ Բացի Pink Floyd-ից, երգչուհուն ձայնագրման ժամանակ ոգեշնչել է Mandy սարսափ ֆիլմը, որի գլխավոր դերակատարը Նիկոլաս Քեյջն է։ Նա կապ է հաստատել սարսափ ֆիլմերի ռեժիսոր Փենոս Կոսմատոսի հետ և նրան ներգրավել «Something Beautiful»-ի աշխատանքներին:
