Սկսվել է ռեփեր A$AP Rocky-ի դատավարությունը
Written by 105.5FM on 22 January 2025
Ռեփեր Ռաքիմ Մայերսին, որը հայտնի է A$AP Rocky կեղծանունով, սպառնում է 24 տարվա ազատազրկում: Այս մասին հայտնում է Associated Press-ը։
Երգչուհի Ռիհաննայի երեխաների հայրը մեղադրվում է իր նախկին ընկերոջ՝ Թերել Էֆրոնի վրա հրազենով կրակելու մեջ: Միջադեպը տեղի է ունեցել 2021 թվականին։ Այժմ անցկացվում է երդվյալ ատենակալների ընտրություն՝ աղմկահարույց գործով նիստեր սկսելու համար։ Լոս Անջելեսի Գերագույն դատարանը դիմել է նրանց, ովքեր որոշելու են արտիստի ճակատագիրը․ «Ես ուղիղ կասեմ երդվյալ ատենակալներին. Անկախ նրանից, թե ով է մեղադրյալը, լինի նա աշխարհի ամենահարուստ մարդը, թե ամենաաղքատ մարդը, դուք պետք է հավասար վերաբերվեք բոլորին», – ասել է դատավոր Մարկ Առնոլդը նախնական դատական նիստի ժամանակ:
Ինքը՝ Ռաքիմը, կտրականապես հերքում է իր մեղքը մեղադրանքի 1 կետով, իսկ նրա փաստաբանը պնդում է, որ ռեփերը ոչ մի հանցագործություն չի կատարել։
Ավելի վաղ հայտնի էր դարձել, որ A$AP Rocky-ն դատարանում կհայտնվի մեկ այլ ռեփերի վրա կրակելու մեղադրանքով։
