Billboard-ի նոր հիթ-շքերթը 180+ երկիր կներառի
Written by 105.5FM on 9 May 2019
«Billboard»-ում հայտարարել են, որ նպատակ ունեն ստեղծել սինգլների համաշխարհային թոփ-100 հիթ-շքերթ։ Այն կներառի 180-ից ավել երկիր և կհիմնվի թվային վաճառքների և սթրիմինգի վրա՝ հաշվի չառնելով ռադիոն։ Սրա մեկնարկը ծրագրված է այս տարվա ավարտին, որպես նոր տասնամյակի սկիզբը խորհրդանշող երևույթ։
Պարբերականի խոսքով՝ տասնամյակներ շարունակ ամերիկյան «Billboard Hot 100»-ն ամբողջ աշխարհում ունի երաժշտության ոլորտում բացարձակ հաջողության չափանիշ։ Այժմ նրանք հպարտությամբ ներկայացնում են մեկ այլ հիթ-շքերթ, որը կչափի երգերի հայտնությունը միջազգային մասշտաբով։
— Այսօրվա երաժշտական լանդշաֆտն այլևս չի չափվում երկրի սահմաններով, և համաշխարհային թոփ-100-ն ավելի կմիավորի երաժշտական աշխարհը՝ վերջնական պատկերացում տալով ամենաարդիական և լավագույն հիթերի մասին, — ասել է «Billboard-The Hollywood Reporter Media Group»-ի նախագահ Դինա Բրաունը։
