Իտալիայում չեղարկել են Քանյե Ուեսթի եւ Թրեւիս Սքոթի համերգները

Իտալիայի իշխանությունները արգելել են Քանյե Ուեսթին և Թրևիս Սքոթին հուլիսին ելույթ ունենալ Ռեջիո Էմիլիայում՝ չեղարկման պատճառ նշելով անվտանգության հետ կապված մտահոգությունները, հաղորդում է Variety-ն։

Քանյե Ուեսթը (կամ «Յե») պետք է գլխավորեր Hellwat փառատոնը հուլիսի 18-ին RCF Arena-ում, որը Եվրոպայի ամենամեծ համերգասրահն է՝ 103,000 տեղանոց։ Մինչդեռ Թրևիս Սքոթը պետք է ելույթ ունենար այնտեղ հուլիսի 17-ին։

Ռեջիո Էմիլիայի նահանգապետ Սալվատորե Անջերին շաբաթ օրը հայտարարեց երկու համերգների չեղարկման մասին։ Որոշումը կայացվել է քաղաքի հրեական համայնքի, հակաֆաշիստական ​​կազմակերպությունների, արհմիությունների և քաղաքական գործիչների ապրիլին արված կոչերից հետո՝ Ուեսթի ելույթները չեղարկելու վերաբերյալ՝ նրա հակասեմական արտահայտությունների պատճառով։

Սոցիալական ցանցերում հրապարակված հայտարարության մեջ Hellwat փառատոնի թիմը հայտարարել է, որ դեռևս փորձում են կազմակերպել Քանյե Ուեսթի համերգը Իտալիայում հուլիսի 18-ին, բայց այլ վայրում՝ Ռեջիո Էմիլիայի մոտ և այլ վարչական իրավասության ներքո։