Ամերիկահայ փոփ-երգչուհի Շերը որոշել է լքել ԱՄՆ-ն՝ Թրամփի վերընտրվելու դեպքում
Written by 105.5FM on 19 October 2023
Ամերիկահայ փոփ-երգչուհի Շերը Guardian-ին տված հարցազրույցում խոսել է իր Սուրբ Ծննդյան ալբոմի, կարիերայի սկզբում թերագնահատված լինելու և այն մասին, թե ինչ է անելու, եթե Թրամփը կրկին ընտրվի։ 77-ամյա գերաստղն ասել է, որ կլքի ԱՄՆ-ը, եթե Դոնալդ Թրամփը հաղթի հաջորդ նախագահական ընտրություններում։
«Նախորդ անգամ ես գրեթե խոց էի ունենում, բայց այս անգամ պարզապես կլքեմ երկիրը»,- ասել է կատարողը։
ԱՄՆ-ում հերթական նախագահական ընտրությունները նախատեսված են 2024 թվականի նոյեմբերի 5-ին: Դրանցով կընտրվի ԱՄՆ 47-րդ նախագահը, եթե 46-րդ նախագահ Ջո Բայդենը պարտվի ընտրություններում կամ չմասնակցի դրանց:
Դոնալդ Թրամփը հաջորդ ընտրություններում պետության ղեկավարի պաշտոնում առաջադրվելու մտադրության մասին հայտարարել էր դեռ 2022 թվականին։ Հիշեցնենք, 2017 թվականին հանրապետական Թրամփը դարձել էր Միացյալ Նահանգների 45-րդ նախագահը, իսկ 2020 թվականին ընտրություններում պարտվել դեմոկրատ թեկնածու, ամերիկացի ներկայիս առաջնորդ Ջո Բայդենին։
