Չարլի XCX-ը հայտարարել է իր «Music, Fashion, Film» ալբոմի թողարկման ամսաթիվը
Written by 105.5FM on 2 June 2026
Չարլի XCX-ը հայտարարել է իր նոր՝ «Music, Fashion, Film» ալբոմի թողարկման ամսաթիվը։ Թողարկումը տեղի կունենա հուլիսի 24-ին՝ Atlantic Records-ի կողմից և կներառի վերջերս թողարկված «SS26» և «Rock Music» սինգլները, ըստ Billboard-ի։
Ձայնասկավառակի շապիկին երեք խորհրդանշական ֆիգուրների սև-սպիտակ լուսանկարն է, որոնք ներկայացնում են վերնագրում արտացոլված ոլորտները՝ երաժիշտ Ջոն Քեյլը, դիզայներ Մարկ Ջեյքոբսը և ռեժիսոր Մարտին Սկորսեզեն: Լուսանկարի հեղինակը երգչուհու ընկերն ու վաղեմի ստեղծագործական գործընկեր Էյդան Զամիրին է։
Իր սոցիալական ցանցերում Չարլին հայտարարել է, որ ալբոմը բաղկացած կլինի 11 երգից և կտևի 30 րոպե 5 վայրկյան։ Երգացանկը ամբողջությամբ դեռևս չի հրապարակվել։
«Music, Fashion, Film» վերնագիրը վերաբերում է «SS26» երգին, որտեղ արտիստը երգում է. «Մենք քայլում ենք մի թռիչքուղով, որը տանում է ուղիղ դեպի դժոխք / Ոչ մի երաժշտություն, ոչ մի նորաձևություն, ոչ մի ֆիլմ չի կարող մեզ փրկել»։ Նոր աշխատանքը կլինի Չարլի XCX-ի առաջին անհատական ստուդիական ալբոմը «Brat» (2024) ալբոմից հետո, որը երգչուհուն դարձրել է մեր ժամանակների գլխավոր փոփ աստղերից մեկը։
