Բրիթնի Սփիրսն ընդհատել է ծննդյան տարեդարձը՝ բժշկին շտապ այցելելու համար
Written by 105.5FM on 2 December 2023
Երգչուհի Բրիթնի Սփիրսն ընդհատել է ծննդյան տոնակատարությունը՝ շտապ կենդանիների բժշկի այցելելու համար։ Այս մասին հայտնում է TMZ-ը։
Բրիթնի Սփիրսը ծննդյան նախօրեն նշել է իր մենեջերի և ընկերոջ՝ Քեյդ Հադսոնի տանը՝ եղբոր՝ Բրայանի և մի քանի մտերիմ ընկերների հետ։
Գիշերվա ժամը երկուսին Բրիթնին, Քեյդը և Բրայանը երգչուհու շան հետ միասին մեքենայով գնացել են 24-ժամյա անասնաբուժական կլինիկա։ Ականատեսների վկայությամբ՝ նրանք շփոթված տեսք են ունեցել, Քեյդի հագին եղել է միայն գիշերազգեստ և ոչ մի կոշիկ. ենթադրաբար, խնդիրը շտապ լուծում է պահանջել։
Հայտնի չէ՝ Բրիթնի Սփիրսը շանը թողել է կլինիկայում, թե տարել է իր հետ։
Նախօրեին Սփիրսը ցուցադրել է իր ավագ եղբոր՝ Բրայանի հազվագյուտ լուսանկարը, որը, ըստ նրա, իր կյանքում հոր տեղն է զբաղեցրել։
