Երեխաներն իրավունք ունեն խաղաղ ապրելու իրենց հայրենիքում․ Հենրիխ Մխիթարյան

Հայ պրոֆեսիոնալ ֆուտբոլիստ, Հայաստանում ՅՈՒՆԻՍԵՖ-ի բարի կամքի դեսպան Հենրիխ Մխիթարյանն իր X-ի միկրոբլոգում անդրադարձել է Արցախում տիրող իրավիճակին։ Նա կոչ է արել միջազգային աշխահին կանխել ցեղասպանությունը Լեռնային Ղարաբաղում։

«Տասնամսյա շրջափակումից հետո սեպտեմբերի 19-ին ադրբեջանական զինուժը սկսեց դաժան գնդակոծել Լեռնային Ղարաբաղը։

Սիրտս կոտրվում է, երբ լսում եմ Լեռնային Ղարաբաղից բռնի տեղահանված և զանգվածաբար Հայաստան փախած հազարավոր հայ ընտանիքների տրավմաների, կորուստների և մարդու իրավունքների լուրջ խախտումների մասին:

Իրավիճակը, որում այժմ տառապում են Լեռնային Ղարաբաղում մարդիկ, հիշեցնում է պատմության ամենամութ էջերի մասին: Մենք հաճախ հետ ենք նայում սպանությունների, էթնիկ զտումների և համակենտրոնացման ճամբարների այդ մութ էջերին, զղջալով և ափսոսալով, որ ոչ-ոք բավականաչափ չի արել այդ ամենը դադարեցնելու համար: Մենք չենք կարող հետ բերել անցյալի ոճրագործությունների զոհերին, բայց դեռ ժամանակ ունենք՝ կանխելու ցեղասպանությունը Լեռնային Ղարաբաղում։

Այս սարսափի մեջ մեզ անհրաժեշտ է շտապ մարդասիրական օգնության մոբիլիզացիա Լաչինի միջանցքի և օդային տրանսպորտի միջոցով, ինչպես նաև միջազգային դիտորդական առաքելությունների տեղակայում՝ մարդկության դեմ հանցագործություններին վերջ տալու համար:

Այժմ չափազանց կարևոր է, որ միջազգային առաջնորդները հանդես գան էթնիկ զտումների դեմ և օգտագործեն բոլոր հնարավոր քաղաքական գործիքները տարածաշրջանում ռազմական գործողությունները դադարեցնելու համար:

Երեխաներն իրավունք ունեն խաղաղ ապրելու իրենց հայրենիքում»։

After a ten months long blockade, on September 19th Azerbaijan’s military launched a brutal shelling of Nagorno Karabakh.

My heart breaks as I learn about the stories of trauma, loss, and severe violations of human rights of thousands of Armenian families who are being forcibly… pic.twitter.com/bAwcHw5ADc

— Henrikh Mkhitaryan (@HenrikhMkh) September 26, 2023