The Pretty Reckless-ը խոստանում է՝ նոր ալբոմում լեգենդար երաժիշտների հետ թրեքեր կլինեն
Written by 105.5FM on 28 February 2020
Այս տարի լույս կտեսնի The Pretty Reckless խմբի «Death by Rock and Roll» ալբոմը։
«Մեր նոր ձայնասկավռակը համարյա պատրաստ է, երգերն անչափ անձնական են, բայց մենք պատրաստ ենք մեզ համար ամենամեծ նշանակությունն ունեցող մարդկանց՝ մեր երկրպագուների հետ կիսվելու նրանով, թե ինչերի միջով ենք անցել վերջին երկու տարում», — ասել է խմբի վոկալիստ Թեյլոր Մոմսենը։
The Pretty Reckless-ի հայտարարության համաձայն՝ չորրորդ ստուդիական ալբոմում լեգենդար արտիստների հետ մի քանի համագործակցություններ են սպասվում։ Խմբի նոր սինգլը կթողարկվի գարնանը, իսկ ալբոմը՝ մի փոքր ուշ։
